入廚話咁易 王鎮泉中西合璧墨滑雞

「吉野家星級特約」《星級煮意》節目，新一集由王鎮泉（Jeoffrey）炮製「墨滑雞」，材料有雞、墨魚滑、南瓜、夜香花等，分量十足！向來他自煮自食，經驗豐富：「讀書時自己一個人住，唔想只食即食麵，就會煮吓簡單嘅西餐，我媽咪中菜好叻，所以我乜都學，但我喜歡煮西餐，連法國菜、薄餅都識。」

最拿手煮意粉醬

各款菜式中，Jeoffrey對意粉最有研究，亦煮得最多：「啲醬唔鍾意用罐頭，會自己開，唔同款式都有，依家變得好有心得，最拿手係Carbonara，通常啲人煮呢個會用忌廉，但正宗嘅係用芝士同埋蛋汁去開，睇落好似好簡單，其實工序都好繁複，我依家去世界各地或香港嘅餐廳，都必定會叫呢個餐，想搵正宗嘅Carbonara食。」

材料：雞、墨魚滑、南瓜、夜香花	Steps： 混Carbonara醬	Carbonara醬醃雞

煲湯瞓着成屋煙

Jeoffrey自言很多煮法都是自學：「試過去澳洲跟農夫整個新鮮番茄醬，好正，同平時啲好唔同，所以有時喺屋企都會整，一個意粉加少少番茄醬已經好好食。」他下廚亦有撞板的時候，幾乎燒屋：「我唔慣煮有火喉嘅嘢，好似煲湯咁，試過學煲湯唔記得咗，瞓着覺搞到成屋煙，自此之後屋企人唔畀我煲湯。」

王鎮泉認為蒸雞的時間很重要。	加夜香花芡汁	墨滑雞完成品

阿澤讚夜香花清新

「星級廚神」杜汶澤睇過Jeoffrey的「墨滑雞」話想試食，大讚以夜香花「打芡」效果清新宜人，但就對南瓜加墨魚有點保留，要試過始知雞、墨魚、南瓜味道是否夾得來。

《星級煮意》陸續有不同名人、藝人登場，示範不同菜式，又有專家提供煮食要訣，娛樂與資訊並重，節目逢星期四更新，大家可透過東網App或東網網頁收看及重溫。

文：名人組

https://goo.gl/MGFgqq