祖藍工作室自由度高 郭晉安：好過綁死藝人
無綫藝員郭晉安、蔡少芬、王祖藍、林欣彤、鄭欣宜及張文慈等昨日在小西灣一間小學出席《老表，畢業喇！》之「老表友誼賽」宣傳。近日有傳王祖藍的工作室運作不濟，不少藝人離巢，他否認說：「公司運作暢順，仲有好多藝人，開公司嗰時同大家講，如果唔適合可以隨時離開，好過打官司解約，呢樣係我公司畀藝人信心嘅地方。（藝人工作量不足？）工作都唔少，好似鄧萃雯休息咗幾年，安排佢上內地綜藝節目同拍內地劇，增加曝光率。」
蔡少芬讚做事用心
王祖藍表示鄧萃雯有意自組工作室：「佢唔係離開，大家傾好嘗試合作一年，唔適合就轉合作形式。」對於有傳徐子珊有意離巢，祖藍則指對方沒此意，更跟他到內地拍節目。祖藍亦否認與舅父冼偉智鬧翻，還透露會合組製作公司，稍後開演唱會亦由對方製作。對於林欣彤演唱會延期，祖藍回應指已有投資者，但考慮到欣彤不夠歌曲，商討後決定押後至明年舉行。
問到傳言可有令太太李亞男擔心致抑鬱症發作？王祖藍澄清說：「佢從來冇抑鬱症，完全冇病，大家誤解咗。」
郭晉安則與蔡少芬首次合體宣傳，兩人一見面即大談仔女面試入學經。談到劇集收視一般，上周只有21.7點收視，蔡少芬笑說：「廿幾點仲唔好？好！做人要易滿足。」 對於有傳王祖藍工作室出現問題，郭晉安說：「我入行咁耐都換過唔少經理人，合就一齊，唔合就分開，其實幾欣賞佢唔會箍住啲藝人，有得走咪好囉，好過綁住佢哋，又要打官司。」蔡少芬則讚王祖藍很謙虛，而且做事很用心。