譚校長睇好閻奕格：咪咁早結婚！

Janice等待7年才出碟，感謝支持她的人。

歌手閻奕格（Janice）昨日為首張個人專輯舉行全亞洲發片記者會，席間播放圈中好友的祝賀，包括鄭嘉穎、謝天華及胡琳等，之後陳淑芬上台讚她即感動落淚。接着校長譚詠麟以神秘嘉賓身份現身，他先扮變聲與Janice玩「猜猜我是誰」遊戲，之後出場送上寫有「大紅」的親筆簽名大扇，祝對方「愈撥愈紅」，校長不忘抵死笑說：「唔係大葵扇，唔好咁早結婚住。」期間Janice宣布將於12月12日在九展開騷，贊助商兼「港產陀飛輪」萬希泉創辦人沈慧林向她送手錶，最後歌迷送花及杯令Janice再度感動哽咽。

等7年出碟

校長與Janice一同受訪，校長直言很早前聽說對方上過台灣歌唱比賽節目《超級星光大道》：「睇番個節目覺得佢好有潛力，但唔知點解等咁耐先出碟。」Janice解釋因進修，又患上內分泌失調及抑鬱症，花兩、三年調理身體，故現時會更珍惜機會。

校長送上「大紅」扇賀Janice。

歌迷送禮物令Janice感動落淚。

問到校長可會擔任Janice個唱嘉賓？他說：「有機會，佢開口請就得，我到時會請定假去睇騷。」問到可會向對方提供Tips？校長即大讚：「佢萬能！之前喺溫拿演唱會有合作過，佢唱我哋啲歌好好。」談到Janice等待7年才出碟，她感謝一直支持她的人，大家見過脹到70多公斤的她，校長即笑說：「唔緊要，我啱啱上紅館時都係70幾公斤，依家唔止添啦。」Janice表示回港開騷最開心是可以多唱廣東歌。此外，談到日前校長與李克勤兩家人到台灣旅行，他笑言是去玩。

文：音樂組