藝人高海寧（高Ling）早前榮升業主，更揚言要買多層樓收租，再努力儲首期，高Ling就連拍戲都瞓身演出，毫不錫身。昨日她於微博上載拍戲受傷的照片，美腿布滿瘀青，大腿更擦損一大忽，見到都心痛。
身在馬來西亞拍電影的她接受訪問，被問到戲中是否有很多動作時，她說：「唔係，不過前日拍一場有少少動作嘅戲，遇到一件令我好傷心嘅事，場戲講到我好激動，跑埋去，點知跣親跌落地，地下就有啲尖嘅石頭，所以周身損晒、瘀晒。其實呢啲都係小傷，依家我最痛係尾龍骨，條尾龍骨瘀咗好大塊紫色，傷咗好痛，依家行路、坐低都好痛。」