《使徒2》點擊破19億 袁偉豪扯白旗撐王浩信稱帝

無綫劇集《使徒行者2》播出以來成績不俗，黃翠如、袁偉豪、周柏豪、苗僑偉（三哥）、宣萱與連詩雅等前晚與台前幕後於尖沙咀出席慶功宴，大會即場宣布內地視頻國粵雙語播放量達19億次，而無綫七日跨平台收視最高29.3點，逾190萬人收看。

獲苗僑偉睇好做「視帝」的袁偉豪（Ben）被問到有否信心，他表示獲對方睇好已感動，可以參與頒獎禮已經很好，自言睇好另一勁敵王浩信。提到三哥同樣睇好翠如奪視后，Ben說：「咁咪啱囉！攞完獎可以做佢想做嘅嘢。（指結婚？）我冇講呀！」至於會否想攞「最受歡迎男角色獎」，他笑言當作後備，希望有機會冧莊。

翠如望明年嫁得出

被睇好問鼎視后寶座的翠如，受訪時坦言未有想過可以得獎，謙虛指要付出更多努力：「我係一個好冇自信嘅人。（有獎會有信心！）唔會啦！我連諗都唔諗！」又指劇集播出後，有網民對她的演技有所改觀。提到被曹永廉踢爆與蕭正楠已婚，翠如笑言手中未有婚戒：「完全冇咁嘅事！（明年會有婚期？）我希望收到你哋祝福啦！（恨嫁？）蕭正楠有話過等我求婚，我會好認真諗吓！」又笑謂會黐住阿廉的口。

《使徒2》收視創佳績，台前幕後齊齊慶功。	苗僑偉 「我咪話你哋得囉！唔信我啊？」（設計對白）	連詩雅晒出招牌長腿，最性感係你喇！

宣萱恨再拍過戲癮

至於宣萱表示有興趣再拍第三輯：「呢輯我同陳豪同三哥拍得唔夠喉！（咀得唔夠喉？）係冇！我同三哥未發展已經大結局。（陳豪結局死咗喎！）呢個世界永遠有孖生兄弟，故事可以任寫，前前傳咪得囉！」問到會否有信心奪視后，她坦言平常心：「有咪開心，冇咪繼續拍多啲自己鍾意嘅劇。我拍劇唔係為咗攞獎，係為咗過戲癮。」又透露睇好鮑起靜與胡定欣。

文：影視組