「穆念慈」孟子義封嘴避談
在內地劇《射鵰英雄傳》中飾演穆念慈一角的孟子義，昨日來港出席馬場活動，對於同劇演員楊旭文捲入一宗女星裸死事件，問她可有向對方了解？她說：「我跟呢件事都冇關，你都不用問了，我都不知道事件。」
另外，孟子義透露活動後即趕飛機離港，11月舉行的賽馬日亦會再度來港，笑言冇賭運，但想學習一下。她表示很喜歡香港，喜歡美食，亦想來港發展：「香港藝人我認識靚靚袁詠儀和張智霖，因為之前佢哋拍真人騷，我做導師監場，同佢哋感情好好，上次來港都有見面食飯。（最想同邊位香港演員合作？）好嘅都想合作，因為每個演員嘅演藝時間有限，都想同多啲好演員合作。（有人話你似Angelababy？）謝謝，都有人講過，當然想同佢合作，覺得佢好靚。」當問到她似人工美女時，身旁的助手即表示不方便回應。問到是否介意被指是人工美女？她說：「唔會唔開心，有時遇到啲情況都唔知點解釋好，索性唔解釋喇。」