林盛斌爆林穎彤誘仔埋身
魔術師甄澤權、林盛斌（Bob）為無綫主持第五輯《魔法王》節目，今輯加添新血主持林穎彤及何雁詩。甄澤權盛讚何雁詩做主持識搞氣氛似「女版Bob」，而阿Bob則指林穎彤多男Fans支持，為街頭表演吸人氣！
甄澤權（Louis）與林盛斌為無綫拍攝新一輯節目《終極街頭魔法王》，Louis出神入化的魔術，加上各主持出盡渾身解數地配合表演，氣氛十足，上輯吳若希的「點解嘅？」、「巧得意！」便成為搞笑金句，應記一功！
而今輯則換上兩位新女主持林穎彤（Bella）及何雁詩，Louis說：「佢哋兩個都做得好好，何雁詩似女版Bob，拍攝時好放，好積極去搵觀眾，叫觀眾畀反應，唔怕醜。Bob唔喺度時，佢做晒阿Bob做嘅嘢。」Bob則笑言：「身形差好遠，不過，我反而覺得佢每一次拍攝嘅裝扮都好有驚喜！今次除咗何雁詩，仲有Bella，佢好受男仔歡迎，啲男仔好肯過嚟做觀眾，可能佢哋未必係想睇魔術，而係全程望住Bella，Bella話好睇咪跟住話好睇，總之，兩個女主持各有各優點！」
發票變銀紙冧街坊
今輯一如以往，有很多令人看後忍不住大呼「點解嘅？」的魔術，當中Louis最喜歡的，是一個花了五年研究的變金魚魔術，他說：「呢個魔術唔係變幾條，而係徒手變幾百條出嚟，我第一輯已經想做，但一直諗唔到點做，直至今輯先研發到。」
而Bob則直言最喜歡將發票變真銀紙的魔術：「因為變完之後，好多街坊攞啲發票出嚟想變番錢，個感覺好真性情，大家都好街坊街里，好親切。」
文：影視組
場地：海港畫廊