袁偉豪張寶兒「互撇」各自搵食

袁偉豪與張寶兒自從被踢爆戀情後，兩人隨即大方認愛，雖然只是相戀短短數月，但愛得癡纏，早前還雙雙蜜遊沖繩，相當Sweet！不過，日前袁偉豪與寶兒卻各自精彩，當日寶兒撇甩男友，於中午約十二時，驅車離開將軍澳寓所，直駛金鐘，泊車後見她急急腳步往商場會合女友人，兩人於商場四出搵食，再步入日式餐廳醫肚。

食唔飽踎超市掃零食

蜜運中的寶兒胃口特別好，見她點了滿枱美食大擦一餐，逗留約一小時才埋單離開，步出門口後，寶兒便與女友人擁抱道別，食極唔飽的她還獨自往超市再掃零食及餅乾，見她懶理儀態踎低揀，期間又多次甜甜笑講電話，似乎是與男友電話傳情，其後她到書店買書後便返回寓所。

另一邊廂的袁偉豪雖然沒女友陪伴，但亦有女伴陪食，當日他單拖駕車前往尖沙咀，於該處商場撳錢後，便往會合數名男女友人開餐，當中更有一名紮起辮子的背心女，見她不時與袁偉豪有傾有講甚為投契。醫肚後一行人往取車，期間袁偉豪做埋苦力搬物件上車後，更擔任司機接載眾人離開。

放大圖片	袁偉豪（右）有背心女相伴，都唔怕會悶。	袁偉豪做埋司機送友人離開，甚有風度。

文、攝：追蹤組