咁快第二胎？李蘊：未減肚腩

藝人李蘊（Renee）、仙樂都及趙哲妤前晚出席好友許嘉浩的生日派對。初為人母的Renee表示感覺仍似發夢，每日專注湊BB感充實，又笑言習慣活躍的女兒常爬來爬去。談到日前在社交網的相片似懷第二胎，Renee笑說：「唔好咁講啦，話我肥！生完BB冇收身，但手、腳同面瘦番，冇時間做運動，仲有啲肚腩，畀人誤會有第二胎。（追多個？）一定會，同下一胎隔三年左右。」問到有否鼓勵好姊妹拍拖？她說：「唔到我講，其中一個姊妹（鄧紫棋）有男友啦，最緊要開心，有啲人唔想咁快結婚生仔，我唔鼓勵朋友咁急生，因為真係好辛苦。」