胡歌定白只靚仔？顏卓靈遊花園

內地男星胡歌、顏卓靈及陳慧琳等昨日出席品牌活動，顏卓靈透露多年前與胡歌合作過，戲中有曖昧元素，她欣賞對方早前為進修暫停事業，自己則希望拍多幾年戲才進修。她揚言為了進修演技，就算丟低男友白只都可以。問到胡歌與白只誰較帥？她避重就輕指兩人有不同的美，並讚白只有內涵，繼而兜圈說：「胡歌有內涵又冇架子，唔熟佢都會傾偈，好親民而且貪玩，會攞戲入面嘅曖昧情節開玩笑。（有冇觸電？）唔係嗰種感覺，佢係成熟男人，亦有孩子氣嘅一面。」