朱晨麗有護花使者擋酒：點解Call何廣沛？
花旦朱晨麗亮相新劇煞科宴，春風滿面的她講到緋聞男友何廣沛亦毫不避忌，笑言不需要對方做護花使者擋酒，咀戲亦不必向對方報告！而譚俊彥計劃放假湊仔增進父子情，直言有意繼續生！
藝員朱晨麗（朱朱）、譚俊彥（Shaun）、關楚耀、傅嘉莉與沈卓盈等，前晚到觀塘出席新劇《特技人》煞科宴，朱朱春風滿面地以一字膊造型亮相，四位主角透露夾錢請食飯，Shaun更加碼拎五位數字現金抽獎。
感情戲唔使交代
講到拍檔Shaun表示要盡興而歸，朱朱笑言：「我買咗支勁酒畀佢，佢飲開Chinese Wine，我搵勻成個將軍澳，終於畀我搵到支茅台！不過我就唔飲得，佢哋盡情飲，我負責照顧大家。（有人敬酒點算？）飲兩啖啦！（Call緋聞男友何廣沛護花？）點解Call佢？呢度有好多護花使者，我都識Call的士呀，我返屋企交通好方便！」問到是否因緋聞而春風滿面？朱朱表示：「哎呀，煞科嘛！聽日我就要飛英國拍新劇《兄弟》（暫名），同伍允龍有感情戲，不過今次就冇咀戲。（話咗畀何廣沛知未？）點解？佢會睇到你哋寫嘅！」
譚俊彥想再生B
而Shaun表示會休息個半月幫太太湊B，雖然囝囝譚杺已個半月大，但因忙拍劇令父子關係陌生：「返屋企好似酒店咁，要同佢培養吓感情，都怕太太詐型，要諗諗下次點面對。（你指下次生B？）係，我仲想生o架！前排畀阿Bob（林盛斌）摸咗兩嘢，相信我又會生多件！不過老婆就話遲啲先。」另外，Shaun將接棒演父親狄龍的經典角色「包青天」，問到可有向父親請教？他笑言：「會o架，遲啲會父子一齊同監製食飯傾傾，係一個好好嘅傳承，父親初時都以為我氹佢開心，估唔到發生咗！會畀心機去演。」
文：影視組