張振朗色迷迷(目及)劉佩玥遭掌摑
首次做男主角的張振朗，昨日與劉佩玥、張明偉、周志康等到科學園，拍攝無綫新劇《堅離地愛堅離地》。劇情講述飾演「宅男」的張振朗見到「女神」劉佩玥即陷入幻想世界，癡迷地發呆，在旁的張明偉則搞笑地摑醒他。
張振朗的宅男造型入型入格，他笑說：「講我見到女神就色迷迷幻想，今次造型、角色都多發揮機會。」問到女友陳芷尤對其造型有何評價﹖他笑說：「佢話好睇過以前，造型幾襯我。其實自己都幾宅，成日匿喺屋企，所以好清楚宅男喺屋企會做乜。我喺屋企成日都自己同自己講嘢，呢個元素一定會放入劇裏面。」
化身神奇女俠
劉佩玥於劇中與陳智燊拍拖，自然有親熱戲，亦會在張振朗的幻想畫面化身神奇女俠及女神：「拍過《幕後玩家》之後，再激烈嘅親熱戲都試過，今次都OK，最緊要大家拍之前溝通。」提到她早前在社交網上載危坐天台的相片，被指疑患焦慮症，她說：「其實大家只係睇咗某啲，完全誤會咗我意思。成篇文係好正面，想講感恩身邊小事，想發放正能量，希望大家正面啲。」至於周志康飾演傷殘人士，要坐輪椅演戲，與劉佩玥有一段錯摸情緣。
文：影視組