湯怡女人30入波波池「爭仔」
藝人湯怡、吳浩康和王浩信昨日在尖沙咀出席活動，前日是湯怡30歲生日，問到男友洪卓立可有求婚？她笑謂沒有，但透露男友安排了驚喜派對：「一開門就見到好大個波波池，啲朋友就喺波波池入面，我啲朋友玩起上嚟仲癲過爭仔。（男友送生日禮物？）有，但未送，要過幾日，佢話要我喺屋企開門收。」笑指今次已夠驚喜，若對方求婚會令她手足無措。
同場的吳浩康被問可有結婚計劃？他表示需要安排，但直認女友是結婚對象。對方可有要求浪漫求婚？他說：「我冇問佢要求呀，驚達成唔到，同埋我要搵朋友幫手，因為我冇乜創意，製造驚喜畀人通常都畀人踢爆。」
王浩信則提到與囡囡初踏台板，他表示早前太太陳自瑤及囡囡一齊去看他表演，照片是綵排中途影：「囡囡問我點解唔唱兒歌，我都要惡補吓。」此外，陳自瑤最近被拍得帶囡囡到學校面試，他因開工未有出席，直言到次輪面試一定要父母在場，他說：「所以一定要攞假，監製落Order開工都要攞假。」