鄧麗欣牛一飯局有Kary冇Miki！
藝人鄧麗欣（Stephy）周日（15日）在釜山度過34歲生辰，經歷飛機延誤10小時後，前晚返港即偕好姊妹吳雨霏（Kary）和區文詩（Angela）在中環補祝，偏偏獨缺楊愛瑾（Miki），難免懷疑Kary和Miki反目事件仍未「破冰」，似乎真的「餅碎難重圓」！
自從Miki和Kary姊妹情緣盡，Stephy和Angela一直夾在兩人之間，鬧翻傳聞至今，「四人行」已不復見。前晚Stephy的慶生飯局，大家期待的齊腳畫面未有出現，依舊「兩個只能活一個」，有Kary就冇Miki份。而Stephy和Angela分別在Instagram上載與Kary的三人合照，Stephy更冧爆留言：「慶祝生日與否，有你們在已經是（一個心形圖案）。」早在飯局前，Kary出席活動時已透露將與Stephy慶生，問到可有叫Miki時，她稱不是飯局統籌，就算Miki出席亦沒所謂。
「唔係我統籌喎」
對於在Stephy飯局「冇影」一事，昨日Miki透過短訊回覆：「我都約咗Stephy食飯(0架)啦，見到佢最近工作成績都好理想，我替佢自豪，其他是非我唔知呀。」而身在北京的Kary則表示不作回應。至於有份出席的Angela，問她可有叫Miki出席？她支吾以對說：「普通食飯之嘛，（唔叫埋Miki？）唔知喎，唔係我統籌(0架)喎，邊個得閒咪邊個食囉，其實都好難約呀，因Stephy班機delay，（飯局）都差啲取消，真係一波九折。（獨欠Miki可失望？）其實……大把機會啦，大家成日食飯(0架)啦，都冇嘢嘅。」Angela又指沒有叫漏哪一個，只是外間太敏感，以往經常三人組合食飯，又稱Kary都差點來不到，可能只得她和壽星女Stephy食飯。
可有祝福壽星女？Angela笑說：「好老土，依家年紀大咗，祝佢健康囉。（想佢快啲拍拖？）呢啲嘢唔輪到你話，就算我祝福佢，佢都唔會因為咁而快啲拍(0架)嘛，寧缺莫濫，最緊要搵到個啱嘅。」至於Stephy在截稿前仍未有回覆。
文：音樂組