同片女星JuJu被邀上房 港監製講明要「關係」
武打女星陳鈺芸（JuJu）於2014年參演Harvey Weinstein有份監製的電影《臥虎藏龍：青冥寶劍》，她接受本報訪問時表示自己未被Harvey性侵，但曾被邀上房傾劇本：「我有聽過佢啲傳聞，所以接觸佢都特別小心，我哋有搭膊頭、擁抱錫面，但都係西方禮儀。有次佢話因為趕住開下個會，要求我去佢酒店房開會傾劇本，我要求佢助手在場，所以最後三個人喺房開會，而且佢知我識打功夫，冇要求其他嘢。」
她又透露曾有香港監製要求與她發生「關係」，更企圖強吻她，但被拒絕：「佢話同佢拍戲嘅演員個個都有『關係』，係我一個唔肯同佢有任何『關係』，我同佢講唔會為工作而有『關係』，呢樣嘢唔係生財工具，我覺得上咗床就冇價值。」她直言做女星要學會保護自己，在適當時候說「不」及行開，以免受傷害。
