16歲被導演傷害 慧絲遭多次性侵

41歲的慧絲溫達絲般（Reese Witherspoon），前日與18歲女兒Ava Phillippe一起於洛杉磯出席《ELLE荷里活女性頒獎禮》，慧絲演講時談到Harvey事件令多名荷里活女性被迫憶述不堪經歷，她亦自爆16歲時被一名導演性侵：「我自身嘅經歷仲係歷歷在目，令我好難瞓到覺、好難講出我好多感受。我覺得喺我16歲時性侵我嘅導演認真惡心，我亦好嬲班經理人同埋監製，令我覺得保持沉默係工作嘅一部分。我但願可以話你聽，嗰次只係事業入面嘅個別事件，但好遺憾並唔係！我經歷過好多次被性騷擾同性侵！」坦言希望業界從此會改變風氣。

另一電視劇《俏Betty》女星America Ferrera亦於社交網自爆9歲時，曾被一名成年男子性侵：「我冇同任何人講，一路帶住羞愧同罪咎，認為自己只係一個9歲嘅細路，唔知點解係會對一個成年男人嘅行為負責。我之後多年嚟每日都要對住呢個男人，佢會向我微笑同揮手。」

「印度西施」險中計

另外，「印度西施」艾絲維亞莉（Aishwarya Rai）被揭十五年前曾成為Harvey Weinstein的目標，其前女經理人憶述當年與艾絲維亞莉往他的紐約辦公室商討發行問題：「佢（Harvey）簡直就係『欺凌人嘅大豬玀』，佢多次叫我離開個會議，又拉我埋角落問究竟需要點做先可以同佢（艾絲維亞莉）獨處？」曾與周潤發及鞏俐合演電影《諜海風雲》（Shanghai）的越南女演員Vu Thu Phuong亦在Facebook自爆2008年與Harvey有不愉快經歷，指對方當時在酒店房僅用毛巾包腰，聲稱可教她演性愛鏡頭。

文：外娛組