歐陽震華望收視 「大步檻過」

無綫「福將」歐陽震華(Bobby)昨日為台慶劇《誇世代》拍攝宣傳片,對於收視,他笑說:「希望大步檻過啦!哈哈!睇咗第一集,我點到做我老婆嘅阿田(田蕊妮)暈咁滯,我徒弟陳豪又食碗面反碗底,好睇、好豐富、睇戲睇演員都得。」廿年後再演舞台劇的Bobby將在上海演出,他笑說:「係驚記性冇以前咁好,發台瘟咪爆肚囉!同萬綺雯合作佢就最開心,佢出名笑點低嘛,我哋係好拍檔嚟。」