大時大節問候「外母」 方力申照舊傳短訊氹Stephy
歌手方力申（Alex）與鄧麗欣（Stephy）自去年3月發聯合分手聲明後，復合及翻撻傳聞不絕於耳。Alex昨日以大使身份出席食品嘉年華記者會，提到Stephy於本月15日34歲生日，問他可有向舊愛送上祝福？Alex坦承：「年年都有Send，送上誠意祝福，我好有禮貌。」隨即再自爆大時大節都會傳短訊給Stephy母親，記者笑他行外母政策，Alex說：「行尊敬長輩政策。（同Stephy傳咗好多次復合？）對唔住，未有呢件事，緣分未到。」
愛貓病逝
對於舊愛，Alex不欲多談，並以愛貓日前病逝拉開話題：「唔想成日講兒女私情，媽咪非常傷心（指喪貓），我哋已經盡最大努力。」並透露愛貓在半夜安詳離世，他說：「至少唔使人道毀滅，將媽咪嘅痛苦減到最低，依家諗住領養狗狗。（生BB好過？）遠得滯喇！」談及食品嘉年華，自認大食的他笑說：「睇我身形就知大食，一隻雞食落肚。」又笑言現時身上肌肉少、肥膏多。
文：音樂組