Kary上唔到飛機下次識變通
歌手吳雨霏（Kary）昨晚現身活動，透露日前因為八號風球懸掛而未能飛往北京工作：「班機係九點鐘，我六點出門口，但喺隧道塞咗兩個鐘，最後都係上唔到機，諗住改航班但又滿晒，所以改咗聽日飛。我都係第一次遇到咁嘅情況，覺得好無助，冇路走，下次會諗其他方法解決，或者搭機鐵。」
提到好姊妹鄧麗欣（Stephy）日前生日，Kary表示會約對方慶生，但知道她身在釜山因航班延誤十多個小時而未能返港。問會否約已鬧翻的楊愛瑾一同跟Stephy慶生？她坦言：「唔知，我啱啱喺蒙古做完山區探訪返嚟，唔係我統籌，就算佢喺度都冇所謂。」而Stephy昨日在ig上載了自拍照，並寫道：「釜山太唔捨得我喇，延誤10個鐘早機變晚機。」又hashtag指「好似話機件故障、依家好迷惘」。最終在晚上再上載生日蛋糕相，並tag了Kary和區文詩，相信已安全抵港。