曹永廉生日收大禮 黐住偶像Kenny G
曹永廉生日到美國登台，獲當地觀眾與他一連兩日慶生，阿廉坦言最喜歡的生日禮物是跟偶像Kenny G合照。而好兄弟蕭正楠亦隔空祝賀壽星仔，祝願他更年期重振雄風。
無綫藝人曹永廉（阿廉）現時在美國登台，日前已展開多場演出的他，於本月16日53歲生日，故香港時間及昨日的美國時間生日都獲現場觀眾替他唱歌切蛋糕慶祝，相當熱鬧！阿廉開心地說：「做咗第三場，仲同Kenny G同場，佢吹幾首我就唱幾首咁，今年嘅生日禮物就係可以同我偶像Kenny G合照，佢真係好Nice！」
阿廉指今次最辛苦的是時差問題，很多時間好眼瞓，但現場獲眾多觀眾支持，即刻醒神晒：「啲觀眾好開心、好熱情，佢哋都有睇到《超時空男臣》、《流行經典50年》同《公公出宮》，所以反應好熱烈，自己都好開心，如果每年嘅生日有工作就最好添！之後嗰幾日會做吓專訪同電台訪問，之後返港抖一日就會再去雲頂同家燕姐、湯寶如做演唱會。」問到在港的小朋友對其生日有何表示？他笑說：「因為分隔兩地，所以惟有同佢哋視頻慶祝住先。」
老友祝「重振雄風」
此外，阿廉的好兄弟蕭正楠亦於社交網站祝賀他，二人隔空抵死互寸，蕭正楠留言：「10月16日又到了！全港熱烈祝賀老廉更年期依然老當益壯，但願重振雄風！去美國登台只有精叻永冇jet lag，唱歌唔走音，唔會畀人扔爛番茄！」而阿廉亦公然拿蕭正楠與黃翠如已婚的傳聞來開玩笑：「你隻蕉真係成熟咗，講嘢冇咁口臭，積到啲口德，結咗婚係唔同啲。」
文：影視組