鍾舒漫預告捧吳浩康場

歌手鍾舒漫（Sherman）昨晚出席酒吧舉行的音樂會，獲妹妹鍾舒祺及其結他手男友Arot Lee擔任和音及伴奏，Sherman笑言一家人都好團結：「今次要唱好多快歌同好多疊聲，所以叫妹妹分擔和音。」並透露與妹妹講心不講金：「我哋係共產嘅。」
鍾舒漫與妹妹鍾舒祺（左）講心唔講金。
鍾舒漫與妹妹鍾舒祺（左）講心唔講金。

對於前男友吳浩康年底舉行演唱會，Sherman大方表示會到場支持。問到不擔心同場會令對方的現任女友尷尬？Sherman說：「點會！唔驚，睇騷之嘛。」並自爆之前有與吳浩康聯絡，戥他有大型演唱會感到開心：「我叫做等到，識佢咁耐都想佢有大型音樂會，依家佢事業愛情兩得意。（你得事業？）唔慘，好好呀，我有信心好快兩得意。」

鍾舒漫跟鍾舒祺及其結他手男友Arot一齊表演。
  • 鍾舒漫跟鍾舒祺及其結他手男友Arot一齊表演。