許廷鏗用豬腳薑殘渣自創手工梘
歌手許廷鏗（Alfred）昨日化身「Dr. Hunting」出席一個研發涼茶梘的活動，他在活動上自嘲：「我冇乜叻，最叻就係無聊！」他透露今次與合作夥伴一齊研究，將一些涼茶渣製成天然手工梘。
平日有飲用涼茶清熱氣的他說：「我就係用煲完嘅涼茶渣做研究，依家好多手工梘可以用作沖涼、洗頭。」他覺得用豬腳薑殘渣製成的番梘應該最潤，不過笑言：「呢款梘唔會公開發售，純粹自己用。（用之前外甥女出世時嘅豬腳薑殘渣？）因為我隻腳似豬腳啫。」問到今次活動的酬金，他搞笑說：「我哋講金唔講心，許廷鏗就好現實，但今日我係Dr.Hunting，不過許廷鏗唱歌幾好聽嘅。」