C AllStar排舞出事 安仔交叉腳「自殘」夾親蛋蛋

C AllStar即將舉行《生於C AllStar演唱會》，對一向以唱功聞名的四子來講，跳舞並非強項。日前眾人在排舞室邊唱邊跳，見成員安仔舞動雙手，雙腿更出力交叉跳動。當跳畢彭羚的一首《給我愛過的男孩們》後，先是釗峰自嘲說：「都攰o架，你知我哋跳慣舞喇！」而在旁的安仔一臉尷尬口震震笑道：「我…我…我…夾到啲嘢喇自己！」再忍痛補充：「夾到自己啲嘢（蛋蛋），有啲痛，因呢個地板第一次踩。」阿King就忍不住笑他：「有人傷亡，係『安仔』，夾咗啲男人最痛嘅嘢！佢話佢嘅大髀夾，勁呀，證明佢大髀肌肉好勁。」釗峰還抵死以泰文笑說：「夾蛋！夾蛋！」而「自殘」的安仔一臉無奈未能招架。

加設「休團儀式」？

演唱會在即，問到舞台可有特設機關？四子開心說：「我哋演唱會終於有升降台喇，今次仲係好大嘅升降台添，可以好鬆動咁企到四個人。通常升降台嘅Size，如果企晒我哋四個上去都會好逼。」問到尾場可會安排一個「休團儀式」？四子笑說：「暫時又未有喎。」

放大圖片	放大圖片	安仔出盡力擺動四肢，卻因太用力跳交叉舞步而令「蛋蛋」受創。

安排前女友排排坐

安仔稱近日為「分飛」搞到好頭痛，因要為親朋戚友分百多二百張門票，又要配對誰人同誰坐，哪些人又不能同坐。問到是否忙安排一班前女友分開坐？Jase笑言會安排一行坐晒，何其壯觀！至於嘉賓方面，四子就堅持保密，表示要為歌迷送上驚喜，只透露兩場是不同嘉賓。問到釗峰的好朋友張栢芝可會來捧場？釗峰表示有向對方提及過，但未知她來不來。

文：音樂組

攝：唐豁莊