林作簽約跟范振鋒搵食
前大律師林作向來瓣數多多，做補習天王又拍電視節目，原來林作日前簽了娛樂公司做藝人，跟范振鋒搵食，他於社交平台上載一張簽約文件，並寫上：「簽咗。」
林作回覆本報時表示，離開ViuTV後想有新挑戰：「新嘗試，唔使自己去傾工作，依家有公司幫我傾，跟住范哥。不過老實講，我唔覺得自己有任何能力做藝人，但公司睇得起我，我就試一試，佢哋覺得我係年輕一輩比較搞笑嘅人。」他又笑言等錢使又大使，問到酬勞？他說：「都係食腦，靠把口搵食，五位數一個月，唔係講緊一、兩萬咁簡單，加上係包薪，搵得多又可以再拆，待遇非常優厚。」
