麥雅緻誕小花生湊「好」字 張頴康想意外生多個？

藝人張頴康太太麥雅緻（Angie）於2014年誕下女兒張雅喬「小豆」，事隔三年，Angie為張頴康再添丁，昨晨剖腹誕下兒子「小花生」！麥雅緻曾透露預產期為十月底，如今B仔搶閘出世，一仔一女湊夠「好」字，兒子出世重七磅多，母子平安，可喜可賀！

兩公婆齊齊喊

張頴康受訪時難掩喜悅心情：「囝囝重七磅幾，同小豆出世時差唔多，依家嘅心情當然係好開心，但因為太太啱啱生，依家最緊要照顧太太先。」第二次做老竇的他直言BB出世時，與太太一齊喊：「我同Angie都好眼淺，我哋一聽見BB喊聲，已經忍唔住，Angie係咁流眼淚，好感動。」他又表示太太打算餵人奶：「因為有第一胎嘅經驗，今次會好啲，Angie爸爸都特登嚟咗香港陪Angie，外母就一星期後會到。」

麥雅緻與張頴康喜獲麟兒，感動落淚！	張頴康半裸晒肌與麥雅緻留倩影。	有仔有女的張頴康，搞笑話想有「意外」驚喜！

如今一仔一女湊夠「好」字，問到會否考慮「收工」？一向想做「多仔公」的張頴康幽默地說：「其實我都係想生兩個，仔女冇所謂，依家好滿足喇！收唔收工，等老婆決定，佢就一定話收工喇！不過有時意外嘅嘢，好難講嘅……哈哈！」

戒酒變Fit佬

張頴康夫婦於生B前一晚，特別擺一輯大肚寫真上網，除看到Angie的大肚子外，還有張頴康的Fit爆Body，問是否練緊大隻？他說：「唔係，可能我戒咗酒，所以Fit咗！」

文：影視組