帶師弟踩場？林雅詩：冇聽到有投訴
藝人袁潔儀、林雅詩（Grace）與經理人馬天樂昨日在八號風球下到佐敦出席武術大賽記者會。提到Grace與馬天樂前日出席車行活動，有自稱老闆之一的人士不滿指Grace幾位師弟霸住位影相，馬天樂指只是人多混亂，Grace亦說：「應該係現場太多人，我都畀人撞來撞去，冇聽到人投訴。」
Grace表示學武大半年，考慮會否出戰下月的比賽：「之前工作忙，又要湊小朋友，希望嚟緊放多啲時間練武，可以落到場。」又指練功經常周身瘀晒，囝囝知她受傷可感心痛？她說：「佢會錫番我塊臉同個嘴。」袁潔儀搞笑說：「我老公會錫番我瘀嗰度……自己講完都想嘔！哈哈！」袁潔儀表示完全不懂功夫，只負責做宣傳：「會學啲柔啲好似太極，我骨頭都差唔多，就半百，可能同老公耍吓太極。（耍埋花槍？）又得啫！不過老公生意忙，有時間就撐枱腳啦！」