第三匹愛駒因女之名?

天王郭富城自從囡囡出世後工作不斷,其實「城嫂」Moka佗着B女時,囡囡已經帶旺城城,認真腳頭好!城城一向愛馬,先後成為兩匹愛駒「愛將」及「愛的呼喚」的馬主,今年6月他再度中籤,第三度成為馬主,由於初為人父,城城當然開心,未知他今次會否以囡囡的名字為愛駒命名呢?

城城過去對Moka佗B絕口不提,十分低調,但誕女之後他出席公開活動時難掩喜悅之情,更表示自從囡囡出世後,整個人變得深閨,收工後都直撲回家,幫忙湊B,謝絕朋友邀約。而城城媽咪亦開心湊孫,到兒子家中飯敍完畢,不再急急腳趕返歸!