黃心美麻甩上身死忍過敏
藝人黃心美（Scarlett）近年密集式出埠拍攝旅遊特輯，再踏足曾與前夫同遊的舊地，又因食物敏感導致背脊出現一大片紅點，拍攝過程有血有淚！Scarlett今年驛馬星動，她說：「同李軒去關西拍ViuTV《暗中旅行2》，今次佢女友同行，我戥佢哋搵到幸福開心，但冇得羨慕。我同前夫都去過關西，今次舊地重遊，絕對放低咗，冇再流淚！我自覺豪邁到係個『佬』嚟，就算今次遇上食物敏感，背脊紅晒好嚴重，但為咗拍攝，我可以忍足兩日，回港緊接有主持工作，我都係靠化妝師用噴槍噴啲色上身遮住啲紅點，完咗騷先睇醫生！」
