龔嘉欣水着施誘 張振朗一掂就硬
張振朗與龔嘉欣在無綫新劇齊齊首度擔任男、女主角，預告泳裝上陣的嘉欣透露最近積極Keep fit，又笑劇中演「宅男」的張振朗掂一掂就有反應，振朗亦直認「會硬」：「我拳頭會硬囉。」
無綫新劇《堅離地愛堅離地》昨日在將軍澳電視城試造型，演員包括首次做男、女主角的張振朗與龔嘉欣、陳智燊、劉佩玥、黃心穎、胡楓、李國麟及康華等。振朗與嘉欣在劇中發展出超級宅男與富二代的愛情故事，首度擔正的嘉欣坦言心情緊張：「不過拍住張振朗就冇壓力，我哋傾劇本傾得好密，睇吓點樣令觀眾更喜歡。」
張振朗的宅男造型呆頭呆腦，問到兩人可有床戲？嘉欣笑說：「未知，但張振朗個角色好宅，唔鍾意畀人掂，一掂佢就會有反應。」問到甚麼地方有反應？振朗笑說：「我拳頭會硬囉。」嘉欣又預告劇中會以泳裝亮相，故最近積極Keep fit，更專登學游泳，但進度麻麻，惟有靠鏡頭遷就。
黃心穎嘆撒嬌難
黃心穎、裕美及陳婉婷則以女僕造型示人，飾演PTGF（兼職女友）及KOL的心穎說：「之前冇聽過PTGF呢個詞語。（角色要援交？）未到援交，總之掂一掂都要收錢，角色住屋邨，唔係貪錢，係為生存。（多性感造型？）演KOL有好多造型，有啲會性感啲，仲會着呢套女僕衫跳舞。（馬國明鍾意女僕造型？）佢冇睇過，唔知喎，你問佢啦。角色最難係嗲人，我太粗豪喇。（嗲馬國明練習？）佢就想，哈哈。」另外，早前心穎被拍得攙扶途人獲讚有善心，她認為是應有的表現，又自言愛單獨逛街。
文：影視組