王寶葆仆住行紅地氈

藝人王寶葆及伍禮騫前晚為模特兒比賽擔任評判，模特兒出身的王寶葆自爆瘀事：「我成世人行過兩次紅地氈，點知兩次都仆倒，希望有第3次機會啦！（平日好論盡？）重要場合就咁，一次地凹咗，另一次就踩到裙尾！」她透露這個活動，是自己接的最後一個工作：「因為簽咗畀王晶嘞，暫時淨係知佢哋想我返內地發展。（行性感路線？）我咁嘅身材，輪唔到我啦！返內地住都好，喺香港好有壓迫感。」而港男出身的伍禮騫表示最近忙於拍攝無綫劇集《跳躍生命線》：「拍劇平時要騷吓肌，但今次唔使，因為演救護員，有制服着。」