夏文汐讚黎諾懿有潛力
演員夏文汐、林夏薇及黎諾懿等昨午為無綫新劇《逆緣》拍攝舞會戲份，劇組特意為夏文汐訂造鮮紅露背晚裝，她讚劇中老公黎諾懿靚仔兼有潛質：「我幾叻睇有潛力嘅演員，當年都係我睇中方中信同黃秋生拍佢哋嘅第一部電影。諾懿同我拍劇即紅，《燦爛的外母》好快就推出咗！」她透露本月16日待《逆》劇煞科後，會先到上海小住。談到無綫工作模式，她坦言：「試過凌晨放工，第二朝又要再開，我頂唔順同監製講，佢都即刻取消通告。」
黎諾懿孖住林夏薇受訪時，自爆劇情請薇薇「食檸檬」：「係講佢以為我會請佢跳舞，其實我係請Pat姐（夏文汐）跳咋。」問到現實生活中可試過鍾情年紀較自己大的女性，他坦言未試過：「試過同性求愛囉，我話依家唔得住，日後嘅嘢好難講！」薇薇則笑言情場上會睇準時機，故無往而不利。
