方皓玟開騷變睇肉世界

歌手方皓玟前晚在九展舉行一連兩場演唱會的尾場，獲鄭欣宜、鄭融、連詩雅、林欣彤、麥子樂及胡琳等撐場。方皓玟以性感黑色喱士吊帶背心及皮褲登場，一口氣唱出幾首快歌為演唱會揭開序幕。去到中段，她因耳機出現問題而回後台處理，並向歌迷道歉。

受訪時方皓玟坦言在台上感到徬徨，但很感激大家的支持：「有呢啲小意外先令到我睇到咁有愛嘅一面，覺得此生無悔。咁多年都係貼住地咁爬上嚟，面對呢啲風浪冇嘢驚。」問到婚後是否比過往錫身？她笑言：「大家唔係嚟聽歌o架咩？變咗睇肉世界！」談到演唱會過後是否會積極造人？她指沒有特別跟老公計劃，希望順其自然。