黃心穎昨日為劇集宣傳，透露中秋佳節撇下男友馬國明，去了做湊仔婆！原來馬國明至今還未拜訪心穎父母，她笑說新年是見家長的好時機，預告帶男友回家逗利是！

無綫劇集《雜警奇兵》演員黃智賢、黃智雯、黃心穎、C君、袁文傑等昨日在尖沙咀宣傳，心穎透露中秋節做湊仔婆，帶了家姐的仔女到主題公園玩，又透露男友馬國明沒有同行。問到馬國明中秋可有到她家拜訪？黃心穎說：「冇，自己連陪Daddy食飯慶祝都冇時間。（有冇送禮物？）冇，屋企已經好多月餅。（你有送嘢畀伯母嗎？）陳敏之之前玩嘢，送咗盒月餅畀我同馬國明，我送畀佢屋企人。」黃心穎又笑言只有家姐因工作見過馬國明，問到甚麼時候安排見家長？心穎笑言：「見家長咁大陣仗，遲啲先啦！新年會好啲，可以順便逗利是。」

黃智雯表示屋企是大家族，故廿多人齊齊慶祝中秋，男友亦有出席，但沒被長輩催婚，她說：「每年中秋都會一齊食飯，然後去天台拜月光。」在旁的黃智賢即取笑她：「你咩鄉下o架？拜月光？好似邪教咁！」黃智雯說：「即係賞月呀！」黃智賢則透露中秋與太太撐枱腳食飯慶祝，他對劇集口碑好感到很滿意，自言有留意網民評價，反應相當正面。

文：影視組