盧靖姍獲獎升格時尚Icon

【陳嘉敏、劉智源巴黎直擊】電影《戰狼2》早前在內地上映票房勁收，女主角盧靖姍亦人氣一時無兩，於巴黎時間2日她現身當地舉行的Shiatzy Chen 2018春夏時裝騷，與陳妍希丈夫陳曉、羅孝勇名模女友王丹妮及著名形象指導郭慶彬（Ricky）等同場睇騷。

郭慶彬食飯一肚火

Celina對今次旅程大感難忘：「睇咗幾場騷，影咗好多街拍，仲獲頒全球最佳風尚獎女藝人。今次由朝做到晚，希望離開嗰朝早可以買吓嘢，但都好開心，至少知道下季流行啲咩。」她指完騷後第二天便離開巴黎前往葡萄牙度假，她計劃在當地甚麼也不做，甚至要關手機，之後就飛印度做評審，笑言已經有幾個月沒有回港。

袁澧林（圖）與白百何齊睇花生騷。	白百何	王丹妮一身型格打扮去取經。

Ricky則透露日前與朋友到餐廳食飯時遭受歧視，憤而離開，他說：「我同朋友好肚餓，叫咗兩份意大利麵同兩杯飲品，但係等咗好耐都冇嘢食過，催咗十次有多，有個唔識講英文嘅侍應就指手畫腳，叫我哋等，眼見其他客人都食飽離開，另一侍應用英文同我講：『你唔係我客人，我唔會招呼你！』我哋嬲到走咗！」

陳曉轉新Look，幾乎認不出他！

郭慶彬遇超模Natalia Vodianova，二人言談甚歡。

袁澧林遊景點保安嚴

此外，「文青女神」袁澧林、內地名模劉雯、白百何等現身另一時裝騷，第二度出席巴黎時裝周的袁澧林表示去了傳統法國餐廳食飯及到跳蚤市場購物。提到近日法國南部城鎮馬賽發生刀手殺人事件，她說：「我去啲景點保安都Check得好嚴，平時行街都冇得驚咁多，我冇遇過，但我有朋友就試過喺恐襲附近，佢話周圍都好亂。」