譚俊彥碌落山割爆手縫18針

藝人譚俊彥（Shaun）、朱晨麗、溫家偉、林師傑及羅浩銘等，在無綫劇集《特技人》有不少動作戲，例如飛車、爆破等危險場面，非常辛苦。因劇情想帶出幕後替身的辛酸，他們都覺得甚有使命感，盡量親身上陣拍攝。

唔肯停工

昨日Shaun拍攝一場碌落山坡，再勇救朱晨麗的戲份，劇組原本安排替身，但專業的Shaun堅持親自上陣。事前他手腳已戴上護墊以防受傷，不過因地上布滿玻璃碎，最終其手掌被割傷，有兩處很深的傷口，當場血流如注，工作人員即送他到法國醫院診治。

譚俊彥的「血手」非常恐怖。	拍攝前，譚俊彥手腳戴上護墊，但仍不幸受傷。	譚俊彥囝囝啱啱出世，希望佢注意安全，唔好令老婆擔心。

記者致電Shaun了解情況，送院途中的他仍鎮定地派定心丸：「冇事！我覺得皮外傷咋！我成個人都冇事，係隻手被玻璃碎(界)爆咗，依家去緊醫院，之後再同大家講啦。」昨晚身在醫院的他再次受訪，指已看完醫生，身體沒有大礙，傷口要縫18針，劇組已叫其太太前來探望。他坦言太太相當擔心，反而母親陶敏明甚鎮定，指拍動作戲預了受傷。問到有否告知父親狄龍？Shaun說：「未呀！等佢睇報紙畀Surprise佢。（會停工抖吓？）唔停呀！仲要一早開工，係拍文戲，之後仲有動作戲，但唔算多，會繼續拍埋佢。」

朱晨麗祝盡快康復

在場的朱晨麗祝福Shaun盡快康復，並指當時事出突然，拍攝前有叫他用替身：「因為場戲有危險性，我同佢講佢有家室，囝囝又啱啱出世，但佢都堅持自己拍！到佢真係碌落山坡，好耐都冇上嚟，我就開車門去搵佢，見到佢喺山坡底流晒血，毛巾都紅晒，好在呢一Take完美收貨。大家當時好緊張，衝上去幫佢止血，我就用風扇幫佢降溫。」

文：影視組