佘詩曼演恐怖片未拍先喊驚
藝人佘詩曼與古天樂於新片《常在你左右》演恩愛夫妻，首次參演驚慄電影的阿佘表示，看完劇本後已感到毛骨悚然，一度想過不接拍：「心理極限係本身對恐怖片嘅恐懼，自己係唔會睇恐怖片，平時都唔會接觸呢類型嘅劇種。接拍前睇完劇本後，同監製講我可能拍唔到，睇完劇本後發噩夢。」
另外，藝人高海寧接受電台訪問時，透露李居明師傅指佘詩曼很旺她：「佢叫我黐多啲阿佘，話阿佘攞住我金庫攞鎖匙，所以我要約多啲佢食飯先得。」又指師傅批算她八字很旺，問到是否旺夫？她笑說：「係呀，同埋師傅話我會有5間物業，2間喺海邊，同埋會有5億身家，好開心！師傅話邊個娶我就發達！（返去就同緋聞男友鄧智偉傾結婚？）總之師傅講邊個娶我都旺，自己諗吓啦佢！」
