麥明詩箍牙瘦面上鏡Keep住靚

藝人黃智賢（Ben）、關禮傑、王君馨及麥明詩（Louisa），昨日在金鐘拍攝無綫新劇《是咁的，法官閣下》節目巡禮，一班「大狀」在草地一字排開，霸氣晒冷！提到今日是中秋佳節，Louisa受訪時坦言這幾天都要開工，連10月6日生日的哥哥亦在外地旅行，要待他回港才可以一家人補祝。問到能否抵受月餅的美味誘惑？她說：「箍牙後塊面瘦咗，監製都話塊面瘦啲上鏡啲，諗住以後都Keep住咁瘦，所以冇理由畀自己食到又增磅！」
《是》劇成班「大狀」晒冷，夠晒氣勢。
《是》劇成班「大狀」晒冷，夠晒氣勢。

關禮傑空中賞月

至於Ben得知王君馨與老公相愛12年，卻從未試過共度中秋時，立刻推薦她晚上到維園打地鋪賞月賞燈：「我真係會鋪張布同愛人坐，冇格仔布就出聲，哥哥送張畀你！」君馨表示會帶老公去見識。而關禮傑透露佳節當日會與老婆飛到加拿大，為就讀高中的細女辦學校手續：「一早Plan定請好假，今年好特別，同老婆喺天空中賞月。」

文：影視組

麥明詩貪靚要瘦面，月餅都係少食為妙！
  • 麥明詩貪靚要瘦面，月餅都係少食為妙！
王君馨同老公拍拖多年，竟然冇試過共度中秋佳節。
  • 王君馨同老公拍拖多年，竟然冇試過共度中秋佳節。