千嬅趕住造人更年期前生多件！

千嬅將於12月23至26日在紅館舉行「楊千嬅三二一GO！演唱會」，第七次踏上紅館舞台的千嬅昨日穿上開胸露背裝出席記者會，即場宣布加開12月29至1月1日四場，合共八場，並獲草蜢驚喜現身送上中秋裝飾及食品。千嬅表示今次已打破她在紅館開騷的個人紀錄：「之前最多開七場，第一次開聖誕同跨年演唱會。雖然今次係三面台，但都要用好多體能。」又表示囝囝Torres及老公丁子高屆時都不會上台。

爬山操肌似青蛙

提到早前在網誌上載一條鍛煉腹肌的短片，片中的她在郊外趴在器械上爬山，似足青蛙，千嬅說：「呢個年紀最大敵人係腹部同大髀，雖然過程好痛，但爬完就好似年輕一歲，所以死就死、爬就爬！」又自爆訓練期間有漁農自然護理署人員上前查問：「佢停車望一望兼想影我相，因為我冇化妝同着得好怪，所以冇畀佢影。」

千嬅一直渴望生多個，記者笑指她騷後可以盡快趕生「狗仔」，傻大姐的千嬅大笑說：「希望喺更年期前搞掂，呢啲係天畀，順其自然啦！」對於能夠開聖誕及跨年騷，她坦言是人生中紀念價值最大的事情，會好好珍惜。

海報查詢電話出錯

另外，不少網民留言投訴買唔到飛，直斥公開發售的門票數量太少，又指三面台部分座位太側，難以欣賞偶像演出。有網民更發現個唱海報上印有的查詢節目電話並非主辦單位，而是非合作單位的「英皇」，千嬅個唱主辦單位發言人表示已在官網更正海報，並回應：「事件了解當中，祝中秋快樂。」

文：音樂組

攝：李柏儒