甄澤權平安夜獻技擔心工作人員
經常到世界各地演出的魔術師甄澤權（Louis），將於12月24日平安夜到拉斯維加斯一個室內場館表演，他接受記者電話訪問時直言槍擊案令人震驚，亦替死傷者難過。問會否擔心事件影響演出，他即謂有聯絡主辦單位了解情況：「冇話特別擔心，始終唔係可以控制到嘅事，但因為自己都帶住一行十幾人團隊，都會叫工作人員萬事小心。呢幾年差不多每年都要去嗰度做嘢，好鍾意呢個地方，希望世界和平。」
至於李思捷3年前的中秋節亦曾在拉斯維加斯開騷，屬罕有在當地搞戶外騷的香港藝人，對於槍擊事件，他說：「真係好慘，睇到新聞好傷心，美國嘅槍械管制係好大問題，美國每個人都可以有槍。（以前搞戶外騷有否做安全措施？）冇特別，邊會有人諗到Concert會發生呢啲事。」