袁詠儀讚城城B女：東莞妹一定靚！

藝人袁詠儀（靚靚）、歌手蘇永康（阿公）及蔡一智，昨日到老人院出席慈善活動。談及好友郭富城弄瓦之喜，靚靚表示BB出世時已收到城城報喜，但因不想打擾新手父母，故暫時未探望BB：「之前想過去探佢哋，但城城咁啱唔喺度，冇理由自己踩上去，等過多一頭半個月，等佢哋熟手先探。」城城出席活動時自爆BB似「迷你版城城」，靚靚雖然仍未見過BB，但深信小公主是靚女：「東莞妹一定靚，因為我都係東莞人！」並指城城是她的同鄉。她又踢爆城城做老竇後變得深閨，當年她生了兒子後，城城曾笑言老公不用陪老婆坐月，豈料現時他卻只覆電話，不見人影。