前夫劉永娶「嫩妻」黎燕珊：都聽過呢啲奇聞啦！
藝人黎燕珊前晚在沙田出席晚宴，提到前夫劉永早前接受訪問時自言有與其一對仔女溝通，黎燕珊否認並指冇聯絡：「放過我啦！依家睇到對仔女咁乖，過去發生咩事都唔重要啦！」而談到劉永再婚，其妻子更細他三十年時，她即說：「唔知呀！都聽過呢啲奇聞啦！我就唔評論人哋家事，希望佢開心就得啦！」
另外，黃日華與老婆梁潔華亦現身晚宴，提到囡囡黃芷晴有意開網店，黃日華即指對方一向想法多多，又想開Cafe又想開甜品店：「佢最近整低糖蓮蓉月餅，今個中秋我淨係食佢整嗰啲！」又指囡囡想開舖會打本支持。問及太太的健康情況？他表示太太一直有覆診追蹤癌症指數，情況良好，又笑指自己因年紀漸大，血管「塞塞哋」。