心悠唔鍾意做女神：我係人類囉！
有「心悠BB」之稱的女神劉心悠，亮相東網巨星節目《閨蜜睡房》，除以睡衣上陣，分享極度私密的睡眠小秘密外，又講到被封「女神」的感受：「我係算人類囉，唔算神！」她更自爆讀書時期一段暗戀型男的往事，實在聽到宅男心郁郁！
劉心悠是公認的女神，這次亮相東網巨星節目「海馬牌床褥特約」《閨蜜睡房》，與主持李惠儀（Kiwi）傾心事，大談被封女神、BB的感覺，答案令人意想不到！她說：「其實我唔鍾意，亦都好唔習慣人哋咁樣叫我，因為BB翻譯做中文，就係嬰兒！人哋叫你嬰兒，好唔慣囉！而且我係算人類囉，唔算神！」
求學兼求愛
更令人意想不到的是，心悠原來曾經主動追男仔！她說：「記得返學嗰陣，有個我好鍾意嘅男仔，係西班牙人嚟，但我唔夠膽同佢講嘢，嗰時覺得佢好靚仔，但我英文麻麻，一句都溝通唔到，佢好快就要返西班牙，我就喺佢臨走嗰日追出去用西班牙文同佢講：『可唔可以同你交換電話？』，好『甩咳』！」究竟心悠的「甩咳」能否為她換來True Love？想知道的朋友，記得今個星期五、六、日留意東網巨星的《閨蜜睡房》！
文：影視組