歌手方皓玟昨日為即將舉行的演唱會排舞，講到她的舞蹈未算很激烈，她笑言：「好戲在後頭！」現時她要苦練歌舞又跑步，每日回到屋企都很攰，要吃多點補充體力。問到老公怎樣支持她？方皓玟說老公現時不在香港，到時會來睇騷：「希望可以教好佢跳呢隻舞，到時佢喺台下面跳。（唔叫埋佢上台跳？）咁啲飛就唔係賣呢個價！」
講到歌衫，方皓玟透露既有型又女性化，會有少少性感，並笑言：「跳起上嚟好睇啲。（會騷前面？）會有人想睇咩？（程度唔會係好大膽？）總之靚就得，始終舞台唔同平時，可能要誇啲啲。」
