王寶葆驚現牙煙三角北上做晶女郎
擁有33B上圍的藝人「春卷」王寶葆昨日着上性感三點式在沙灘拍攝節目，但三角褲腰位用上幼帶設計，令她驚現「牙煙」三角位，幸力保不失未有「走陰」！她透露已簽約導演王晶旗下，做新任晶女郎，重心將放在內地發展。另邊廂，舊愛李思捷日前化身「湊仔公」，帶小朋友在銅鑼灣行街買衫，盡顯父愛。
藝人「春卷」王寶葆（前名：王宝宝）昨日着上三點式泳衣，與鄺芷凡為奇妙電視節目《中伏》在沙灘進行拍攝。擁有33B上圍的寶葆，下身泳衣驚現「牙煙」三角位，由於三角褲腰位用上幼帶設計，她郁動時一步一驚心，徘徊在走光邊緣，幸最終力保不失。
貪個樣夠奸
寶葆早前已透露進軍荷里活拍電影，以及在美國尋找新經理人，問到是否已有定案？她卻透露已經簽約成為導演王晶旗下藝人：「因為王晶畀咗好好嘅條件我，所以我揀咗！（簽幾耐？）唔方便講，但重心會放喺內地。」問到會否走性感路線？她謙虛地說：「王晶大把晶女郎，唔輪到我啦！王晶鍾意我個樣夠奸，其實我想做奸角，奸角我從未拍過。（要練普通話？）我識講，流利就要練吓，公司會安排，我都好開心。」寶葆坦言未曾在內地拍戲，故十分期待接受挑戰。
王晶：啱做赤裸特工
王晶昨日承認已簽了寶葆，更指她適合演古裝及殺手，提到她想做奸角，王晶說：「奸角反而仲可以出啲添！（幫佢塑造咩角色？）好似《赤裸特攻》嘅Maggie Q都幾啱佢。（點解簽佢？）之前佢細個唔知自己方向，依家個人成熟咗，其實我嚟緊仲會簽陳潔玲同埋湯加文等。」
至於寶葆的舊愛李思捷向來不乏女伴，但日前卻罕有地變身「湊仔公」，與一名約8、9歲的男童於銅鑼灣一間大型連鎖服裝店揀衫，兩人睇完童裝再睇男裝，父愛爆棚的思捷，不一會已為男童揀了一件Tee，並齊齊往排隊付款。
文：專案組