「奶爸」Tim跟足Order湊女

樂隊Dear Jane昨日接受電台訪問，講到太太楊洛婷（Rabeea）在網上分享女兒Tanya的沙龍相，Tim透露平時亦會用手機幫女兒拍照，又讚BB乖唔扭計：「佢仲細都係瞓同食！」並自言跟足陪月的方法湊女，如餵奶至三分一樽時要幫BB「掃風」，問到可有親自換尿片及餵奶？他說：「沖涼就未試過，但餵奶換片都有，其實係簡單！」問到三位成員可有探望Tanya？他們表示睇過相未見真身，Tim指因BB剛回家不久，遲些才能見人。問到會否擺滿月或百日宴，Tim稱暫時未知：「等太太Order！（Rabeea唔打算收身，係咪準備乘勝追B？）又唔係喎！見佢又努力收身喎！」