新一代不如前湯鎮業唔理得咁多
甄子丹主演的新片《追龍》前晚舉行首映，獲太太汪詩詩及姨仔汪圓圓等捧場。有份參演的「兩虎」黃日華及湯鎮業，表示今次是繼《兄弟》後再次合作，他們坦承「五虎」平日各有各忙少聚首。對於姪女湯洛雯被爆同居，湯鎮業說：「下一代嘅嘢唔理得咁多，即使我兩個仔同我住，都係咁，佢哋鍾意網絡溝通。我哋以前好尊重前輩，人肯教你嘢好感恩，年代真係唔同咗。」
同場的周麗淇談到有份參演的內地熱播劇《那年花開月正圓》，她說：「套劇真係意外收穫，估唔到咁多人追睇，頭先有粉絲叫我角色名『千紅』。不過我唔會放棄香港市場，依家拍緊無綫《再創世紀》，遲啲有機會去布拉格拍外景。」
