張振朗入院割瘤背脊開花
獲無綫力捧的張振朗一劇接一劇，忙爆的他原來一直受背部生瘤影響，故趁10月開新劇前急急入院做小手術切除，他透露已無大礙並已出院。
藝人張振朗（Owen）參演的劇集《踩過界》雖然已告一段落，但他因劇集的出色演出而人氣急升，繼續忙個不停兼變成「空中飛人」，近日四出到外地工作，又要準備投入新劇拍攝。
不過，Owen昨日在社交網貼出自拍影片，見戴上眼鏡的他臥病在床，顯得相當疲憊，他說：「全身冇力！」其後，他又甫出相片表示已出院回家休息，惟未有透露入院原因，令一班粉絲相當擔心。
聲線微弱 今日復工
記者隨即聯絡Owen，剛接受手術的他接受電話訪問時聲線顯得相當微弱，透露因背脊生瘤，趁工作空檔入院動手術切除：「做個小手術啫！喺個背脊開咗幾刀，依家都已經返咗屋企啦！其實都拖咗好耐o架喇，可能係拍劇，身體過度疲勞，所以背脊有少少問題，依家搞掂咗。（手術後有否影響生活？）笑就冇問題嘅，係瞓要打側瞓，始終傷口喺背脊。」Owen又表示病情已困擾他一段時間：「有影響o架！拍嘢時如果撞到都會痛，所以快快趣趣拍劇前搞掂佢，嚟緊10月我都有新劇開，都係小手術嚟，開幾刀啫。」為免粉絲擔心，他昨晚在社交網留言指出院後會休養一天，今日便復工。
文：影視組