藝人黃智賢（Ben）及黃智雯前晚出席無綫新劇《雜警奇兵》的首播飯局。劇中飾演大肚婆的黃智雯說：「可能觀眾睇完，會覺得大肚婆可唔可能做到呢啲動作呀？又飛車又追賊，但現實中我見過有啲大肚婆身手敏捷，當然有啲冇咁靈活，現實唔一定冇可能！」

對於胡杏兒早前爆「胡說八道會」姊妹將有喜事，智雯再三澄清說：「唔係我結婚！杏兒怕我鈍，嫁唔出啫！（唔抵得你鈍到Feel唔到男友想結婚？）我覺得傻人有傻福啫！但我哋未有呢個打算，順其自然！」

提到新劇撞正《使徒行者2》及《老表，畢業喇！》等熱播劇搶Fo，Ben說：「三套劇性質唔同，我哋周日連播兩集，觀眾會喜歡！（《踩過界》同時段播被指檔期欠佳？）咁依家輪到我哋再戰呢個時段囉！」