兒子接棒？ 甄子丹：唔會畀壓力
「宇宙最強」甄子丹在電影《追龍》中與幾位結拜兄弟有情有義，加上為保護家人不顧一切，演出令人動容，他直言投放個人性格於角色內：「呢個係中國人嘅傳統，我本身係Family Man，屋企最重要。劇本啱啱出時就約幾位『兄弟』出嚟食飯，其中甄家班出身嘅喻亢扮我嘅啞巴兄弟，覺得佢好有幕前演出天分！」
除了擔演男主角外，子丹今次還染指幕後，對音樂部分尤為着緊。原來他於家中不時為太太汪詩詩唱情歌製造驚喜，又試過作歌《Cecilia》送給對方。問會否打造9歲兒子成「甄子丹第二」？子丹說：「打功夫、做運動係好，但我唔會畀壓力佢。」談到「前世情人」女兒甄濟如具藝術天分，子丹笑說：「其實冇好似外界咁講，一定要佢大學畢業先入行，總之行行出狀元啦！我哋一定唔會為佢鋪路，要靠佢自己。」他又坦言一對子女思想單純，但不擔心13歲的女兒早熟拍拖。