奪冠惹爭議？ 季軍劉美娟撐表現突出

當年與馬清儀參與無綫首屆健美小姐選舉的梅小惠及季軍劉美娟，對她離世均感愕然，梅小惠說：「佢係我好尊敬嘅人，人生最難忘嘅階段係佢同我一齊過，當年我同佢一組，我乜都唔識，佢教咗我好多！聽到呢個消息真係好Sad。」而劉美娟說：「好愕然同好可惜，當年嘅健美小姐冇年齡限制，佢比較成熟，參選期間表現一直好突出，當年我連運動器材都唔係部部識用，佢會教我，佢仲話參賽假想敵得一個，就係我，當然係啲互相鼓勵嘅說話，我哋相處得好好。」
劉美娟原來當年是馬清儀的假想敵。
劉美娟原來當年是馬清儀的假想敵。

提到健美小姐結果曾惹爭議，梅小惠說：「佢喺我心目中由始至終都係一個值得攞冠軍嘅人！」而劉美娟覺得馬清儀在事件上處理得好好。此外，前無綫高層吳雨當年有份搞健美小姐選舉，他說：「冇內定，完全係評判選出來，馬清儀好Fit，鋼條型，好實淨。」

梅小惠唔止與馬清儀同組選健姐，更齊齊拍《娛樂插班生》。
  • 梅小惠唔止與馬清儀同組選健姐，更齊齊拍《娛樂插班生》。